काठमाडौं, मंसिर १३ । नेपाली बजारमा सुनको मूल्यले लगातार तेस्रो दिन ऐतिहासिक रेकर्ड बनाएको छ ।
तिन दिनदेखि लगातार बढिरहेको सुनको मूल्य आज (बुधबार) हाल सम्मकै उच्च बिन्दुमा पुगेको हो । नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला १६ सय रुपैयाँले बढेर १ लाख १९ हजार ३०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख १८ हजार ७५० रुपैयाँ निर्धारण भएको छ । यसअघि सोमबार (मंसिर १२ गते) छापावाल सुन हालसम्मकै उच्च तोलाको १ लाख १७ हजार ७०० रुपैयाँमा कारोबार भएको थियो ।
यसैगरी, तेजावी सुनको भाउ तोलाको १ लाख १७ हजार १५० रुपैयाँ निर्धारण भएको थियो । यता, आज चाँदीको भाउ पनि तोलामा २० रुपैयाँले बढेर १५ सय २० रुपैयाँ कायम भएको छ । मंगलबार चाँदीको भाउ प्रतितोला १५ सय रुपैयाँ कायम रहेको थियो ।
Published Date: 29 November 2023
