काठमाडौं, मंसिर ५ । आज २०८० मंसिर ५ गते मंगलबार, तद्अनुसार २१ नोभेम्बर २०२३ । आज कात्तिक शुक्लपक्ष नवमी, कुष्मान्ड नवमी व्रत, शतभिषा- नक्षत्र, व्याघात- योग, वालव- करण, चन्द्रराशि- कुम्भ, सूर्योदय- ६ः३०, सूर्यास्त- १७ः०८ बजे ।
आजको राशिफल
मेष: मेहनतको फल पाइने छ । धन प्राप्ति सुगम हुनेछ । प्रसन्नता रहने छ ।
वृष: पुराना साथीहरुसंग भेटघाट हुनेछ । उत्साहवर्धक सूचना पाइने छ । मान बढ्ने छ ।
मिथुन: भाग्योन्नतिको प्रयास सफल रहने छ । उपहार प्राप्ति हुनेछ । यात्रा तथा लगानी मनोनुकूल रहने छ ।
कर्कट: सवारीसाधन तथा मेशिनको प्रयोगमा सावधानि अपनाउनु होला । स्वास्थ्यमा खर्च हुनेछ । कर्मप्रति पूर्ण समर्थन तथा उत्साह राख्नु होला ।
सिंह: व्यावसायिक यात्रा सफल रहने छ । प्रसन्नता रहने छ । आर्थिक स्थिति मध्यम रहने छ ।
कन्या: नयाँ अनुबन्ध हुनेछ । यात्रा, लगानी तथा जागिर मनोनुकूल रहने छ । कार्यको प्रवृत्तिमा यथार्थता तथा व्यावहारिकता समावेश गर्नु आवश्यक छ ।
तुला: धर्म–कर्ममा रुचि बढ्ने छ । बुद्धि एवं तर्कले कार्यमा सफलताको योग बन्ने छ । यात्रा कष्टप्रद हुनसक्छ, त्यसैले आज नगर्दा वेश होला ।
वृश्चिक: दाम्पत्य जीवन सुखद रहने छ । सकारात्मक विचारका कारण प्रगतिको योग छ । कार्यपद्धतिमा विश्वसनीयता कायम राख्नु होला ।
धनु: प्रेम–प्रसंगमा अनुकूलता रहने छ । सन्तानबाट सहयोग पाइने छ । अचानक धन प्राप्तिको योग छ ।
मकर: सम्पत्तिको कार्यले लाभ दिने छ । परीक्षा तथा अन्तर्वार्तामा सफलता पाइने छ । धनार्जन हुनेछ ।
कुम्भ: कुनै उत्सवमा भाग लिने अवसर प्राप्त हुनेछ । रचनात्मक कार्य सफल रहने छ । योजनाहरु फलीभूत हुनेछन् ।
मीन: अरुको अपेक्षा नगर्नु होला । विद्यार्थीहरुले प्रतियोगतामा सफलता प्राप्त गर्नुछन् । बोलीमा संयम राख्नु होला ।
