बाँके, मंसिर १ । स्थानीयलाई धारिलो हतियार प्रहार गरी गम्भीर घाइते बनाउने एक जनालाई बाँके प्रहरीले गोली प्रहार गरी पक्राउ गरेको छ ।
कोहलापुर–११ का आकाश रानालाई प्रहरीले खजुरा–४ बाट शुक्रबार बिहान पक्राउ गरेको हो । कोहलपुर–१२ का २९ वर्षीय मीनबहादुर विकलाई धारिलो हतियार प्रहार गरी राना फरार भएका थिए ।
रानालाई नियन्त्रणमा लिन प्रहरीले गोली चलाएको जिल्ला प्रहरी कार्यालयका प्रहरी नायब उपरीक्षक नारायण डाँगीले बताए । घाइते विकको भेरी अस्पतालमा उपचार भइरहेको र घटनाबारे प्रहरीले अनुसन्धान जारी राखेको छ ।
