काठमाडौं, मंसिर १ । तिहारपछिको पहिलो कारोबारमा सुनको २ हजार ३०० रुपैयाँले बढेको छ ।
नेपाल सुन–चाँदी व्यवसायी महासंघका अनुसार शुक्रबार (मंसिर १ गते) छापावाल सुन प्रतितोला २ हजार ३०० रुपैयाँले बढेर १ लाख १५ हजार ५०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख १४ हजार ९५० रुपैयाँ निर्धारण भएको छ । यसअघि, कात्तिक २७ गते छापावाल सुनको भाउ प्रतितोला १ लाख १३ हजार २०० रुपैयाँ कायम भएको थियो ।
यसैगरी, तेजावी सुनको भाउ तोलाको १ लाख १२ हजार ६५० रुपैयाँ निर्धारण भएको थियो । यता, शुक्रबार चाँदीको भाउमा पनि उछाल आएको छ । चाँदी ९० रुपैयाँले बढेर शुक्रबार प्रतितोला १ हजार ४५० रुपैयाँमा कारोबार भइरहेको छ ।
यसअघि कात्तिक २७ गते भने चाँदीको भाउ १ हजार ३६० रुपैयाँ निर्धारण भएको थियो ।
