साउदी अरेबिया, माघ २। गएराती सम्पन्न फाइनलमा बार्सिलोनाले रियल म्याड्रिडलाई साउदी अरेबियाको किङ्ग फहद अन्तर्राष्ट्रिय रंगशालामा भएको खेलमा ३ का बिरुद्ध १ गोलले पछि पार्दै स्पेनिस सुपर कपको उपाधि आफ्नो क्लबको नाममा ल्याउन सफल भयो । यस जित सँगै बार्सिलोनाले कुल १४ पटक यस कप जित्न सफल भएको छ ।
खेलको सुरुवाती देखि नै राम्रो प्रदर्शन गरिरहेको बार्सिलोनाले ३३ औं मिनेट मा गाभिले पहिलो गोल गरे । त्यसपछि ४५ औं मिनेटमा रोबर्ट लेवान्डोस्की गोल गर्दै बार्सिलोनालाई २ गोलको अग्रता दिलाए । त्यसैगरि पेड्रिले ६९ औं मिनेटमा क्लबको लागि तेस्रो गोल गर्दै बार्सिलोनाले ३-० को अग्रता बढाए । रियल म्याड्रिडको लागि भने करिम बेन्जेमाले अतिरिक्त समय ९३ औं मिनेटमा गोल गरेका थिए ।
रियल म्याड्रिडले भने यो कप १२ पटक जितिसकेका छन् । स्पेनिस सुपर कपलाई सुपरकोपा डे एस्पेना नामले पनि चिनिने गर्दछ ।
