काठमाडौं, कार्तिक १६ । पछिल्लो ३ दिन लगातार घटेको सुनको भाउ आज बिहीबार भने बढेको छ ।
नेपाल सुन–चाँदी व्यवसायी महासंघका अनुसार बिहीबार छापावाल सुन प्रतितोला ७०० रुपैयाँले बढेर १ लाख १५ हजार ७०० रुपैयाँ पुगेको छ । यसैगरी, तेजावी सुनको मूल्य तोलाको १ लाख १५ हजार १५० रुपैयाँ निर्धारण भएको छ ।
यसअघि सोमबार र मंगलबार सुनको भाउ क्रमशः प्रतितोला ५००-५०० रुपैयाँले घटेको थियो । त्यसैगरी, बुधबार भने १ हजार रुपैयाँ घटेको महासंघले जनाएको छ । बुधबार छापावाल सुन १ लाख १५ हजार रुपैयाँ कायम भएको थियो ।
यसैगरी, तेजावी सुनको भाउ तोलाको १ लाख १४ हजार ४५० रुपैयाँ निर्धारण भएको थियो ।यता, बिहीबार चाँदीको भाउ पनि तोलामा २० रुपैयाँले बढेर १४ सय ५ रुपैयाँ पुगेको छ । बुधबार चाँदीको भाउ प्रतितोला १३ सय ८५ रुपैयाँ कायम रहेको थियो ।
