काठमाडौँ, कार्तिक १३ । काठमाडौं उपत्यका अपराध अनुसन्धान कार्यालयले ईसेवाको कर्मचारी भन्दै ओटीपी (वन टाइम पासवर्ड) मागेर रकम चोरी गर्ने पाँच जना पक्राउ गरेको छ ।
केवाईसी फर्म अपडेटको बाहानामा ओटीपी मागेर रकम चोरी गरेको भन्दै प्रहरीले रौतहट गौर नगरपालिका वडा नम्बर ५ बस्ने २६ वर्षीय नवनित कुमार कुशवाहा, २१ वर्षीय कन्हैया कुमार कुशवाहा, २० वर्षीय अभयकुमार यादव, २१ वर्षीय रितेश कुशवाहा र गढिमाई नगरपालिका वडा नं ६ बस्ने १९ वर्षीय दिपेन्द्रकुमार यादवलाई पक्राउ गरेको हो ।
जिल्ला प्रहरी कार्यालय रौतहटसँगको समन्वयमा उनीहरूलाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
