काठमाडौं, कार्तिक १ । कार्तिक महिनाको पहिलो दिन आज सुनको भाउ १३ सय रुपैयाँले बढेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोला १३ सय रुपैयाँले बढेर १ लाख १३ हजार २०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख १२ हजार ६५० रुपैयाँ निर्धारण भएको छ । मंगलबार भने सुनको भाउ प्रतितोला ४०० रुपैयाँले घटेको थियो । मंगलबार छापावाल सुन १ लाख ११ हजार ९०० रुपैयाँ कायम रहेको थियो ।
यसैगरी, तेजावी सुनको भाउ तोलाको १ लाख ११ हजार ३५० रुपैयाँ निर्धारण भएको थियो । बुधबार चाँदीको भाउ प्रतितोला ३५ रुपैयाँले बढेर १४ सय १० रुपैयाँ कायम रहेको छ । मंगलबार चाँदीको भाउ १३ सय ७५ रुपैयाँ रहेको थियो ।
