काठमाडौँ, असाेज ११ । बिहीबार सुनचाँदीको भाउमा गिरावट आएको छ । आज सुनको भाउ एक हजार चार सय रुपैयाँले र चाँदीको मूल्य पनि १५ रुपैयाँले घटेको हो ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रति तोला एक लाख ९ हजार ६ सय रुपैयाँमा कारोबार भइरहेको छ । यसैगरी तेजाबी सुन प्रति तोला एक लाख ९ हजार १ सय रुपैयाँमा कारोबार भइरहेको छ ।
सुनको भाउ मङ्गलबार प्रति तोला चार सय र बुधबार प्रति तोला आठ सयले घटेको थियो । यस सँगै तीन दिनमै सुनको भाउमा प्रतितोला २६ सय रुपैयाँको गिरावट भएको छ ।
यसैगरी आज चाँदी प्रति तोला एक हजार तीन सय ७० रुपैयाँमा कारोबार भएको छ । बुधबार चाँदी प्रतितोला एक हजार ३ सय ८५ रुपैयाँमा कारोबार भएको थियो । चाँदीको भाउ पनि विगत तीन दिनमै प्रतितोला ६० रुपैयाँले घटिसकेको छ ।
