काठमाडौं, असोज १० । मुलुकभर अहिले आंशिकदेखि सामान्य वर्षा भइरहेको छ ।
आज दिउँसो देशका अधिकांश भूभागमा आंशिकदेखि सामान्य बदली रही वाग्मती प्रदेशमा मेघ गर्जनसहित हल्का वर्षाको सम्भावना रहेको छ ।
कोशी, वाग्मती, लुम्बिनी र गण्डकी प्रदेशका पहाडी भू–भागका थोरै स्थानहरुमा र बाँकी प्रदेशका एक–दुई स्थानमा मेघ गर्जन र चट्याङसहित हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।
आज राति कोशी, मधेश र वाग्मती प्रदेशमा आंशिकदेखि सामान्य बदली रही बाँकी प्रदेशमा आंशिक बदली रहने समेत महाशाखाले जनाएको छ । कोशी, मधेस, गण्डकी र वाग्मती प्रदेशका थोरै स्थानहरुमा मेघगर्जन र चट्याङसहित हल्का वर्षाको सम्भावना रहेको छ ।
Published Date: 27 September 2023
