काठमाडौं, असोज ६ । आयोजक ग्रिनल्याण्ड र भ्याली पब्लिक स्कुल १७ औं क्विक्स ग्रिनल्याण्ड बास्केटबल प्रतियोगिताको सिनियर ब्वाईज तर्फ सेमिफाईनलमा प्रवेश गरेका छन् ।
आज भएको क्वाटरफाईलनमा आयोजक ग्रिन्ल्याण्डले प्रिथिवीलाई ५९ – ४९ अंकले पराजित गदै सेमिफाईनल यात्रा तय गरेको हो । ग्रिनल्याण्डको जितमा महेन्द्र के.सी.को २० अंकको योगदान रह्यो । अर्को खेलमा भ्याली पब्लिकले सुनिल पौडेलको १९ अंक मद्धतले पञ्चायनलाई ६५–५५ अंकले पराजित गर्दै सेमिफाईलन प्रवेश गरको संयोजक पुर्ण न्यौपानेले बताए ।
आयोजकको आफ्नै कोर्टमा भएको प्रतियोगिताको सिनियर गल्र्स तर्फ प्रिथिवीले त्रिकोणलाई २७–१७ ले पराजित गरे । प्रिथिवीको जितमा बविता घिमिरेको १० अंकको योगदान रह्यो । केभिकेएसएसले सुष्मा आलेको ९ अंक मद्धतले आयोजक ग्रिनल्याण्डलाई २९–१९ ले हरायो । यसैगरि गोल्डेन पिकले सुविन तामाङ्गको १९ अंकको योगदानमा टिआईएलाई ६२–५४ अंकले पराजित गरे । भ्याली पब्लिकले काठमाडौं ग्लोबललाई ४४–३४ अंकले हराउँदा लोरिशा गौचनको १४ अंकको योगदान रह्यो । यस्तै नेघा शाहको ८ अंक मद्धतमा सत्य साई स्कुलले रिब्स ए लाई २२–१४ अंकले हराउन सफल भयो ।
