सुनको भाउ लगातार दोश्रो दिन घट्याे, चाँदी भने बढ्याे

काठमाडौं, असोज ४ । नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार ५०० रुपैयाँमा र तेजाबी सुन प्रतितोला एक लाख ११ हजार ९५० रुपैयाँमा कारोबार भइरहेको छ । सुनको भाउ लगातार दोश्रो दिन घटेको छ । बिहीबर सुन तोलामा ३०० रुपैयाँले सस्तिएको हो ।

बुधबार सुनको भाउ तोलामा २०० रुपैयाँले गिरावट भएको थियो । हिजो सुन प्रतितोला एक लाख १२ हजार ८०० रुपैयाँमा झरेको थियो ।

बिहीबार चाँदीको मूल्य भने बढेको छ । आज चाँदी तोलामा पाँच रुपैयाँले उकालो लाग्दा प्रतितोला एक हजार ४१० रुपैयाँमा खरिदबिक्री हुँदैछ ।

अघिल्लो कारोबार दिन भने चाँदीको मूल्य गिरावट भएको थियो । बुधबार चाँदी तोलामा पाँच रुपैयाँले घटेर प्रतितोला एक हजार ४०५ रुपैयाँमा किनबेच भएको थियो ।