काठमाडौँ, भदौ १६ । नेपाली चलचित्र जगतकी लोकप्रिय अभिनेत्री निरुता सिंह विवाह बन्धनमा बाधिएकी छिन्। अभिनेत्री सिंहले आफु गत अगस्ट ३१ तारिखका बिहिबारका दिन विवाह बन्धनमा बाधिएको कुरा आज आफ्नो आधिकारिक फेसबुक पेज मार्फत तस्बिर राखी जानकारी गराएकी हुन्।
उनले भारतको मुम्बई निवासी श्री संजीभ गुलाटीसँग विवाह गरेको फेसबुक पोष्ट मार्फत जानकारी दिईन्। यस अवसरमा उनले आफुलाई निरुता सिंह भनेर नाम दिएका सम्पूर्ण चलचित्रका आफ्ना दर्शक, घर -परिवार, आफ़न्त तथा छर-छिमेकहरु , उनका चलचित्रकर्मी साथी-भाई अग्रज व्यक्तित्वहरु, विभिन्न माध्यमका संचारकर्मीहरुलाई सम्बोधन पनि गरेकी छिन् ।
उनको हरेक अन्तर्वार्तामा अन्तर्वार्ताकारले “निरुता जी बिहें कहिले गर्ने ?” भन्ने प्रश्न बारम्बार सोधिएको र कहिल्यै नछुट्ने भएकोले अभिनेत्री सिंहले अब यसको जवाफ आएको पनि भनेकी छिन्।
अभिनेत्री सिंहले सन् १९९३ मा रिलिज भएको चलचित्र दक्षिणा मार्फत नेपाली चलचित्र क्षेत्रमा आफ्नो अभिनय सुरू गरेकी हुन्। अभिनेत्री सिंह नेपाली चलचित्रकी प्रथम महिला सुपरस्टार पनि भनेर चिनिन्छिन्।
