मुम्बई, भदौ १६ । दर्शकले लामो समयदेखि प्रतीक्षा गरिरहेका बलिउडका अभिनेता शाहरुख खानको फिल्म ‘जवान’ को अग्रिम बुकिङ प्रारम्भ भएको छ ।
केहि दिन अघिदेखि ‘जवान’ को अमेरिकामा एडभान्स बुकिङ प्रारम्भ भएको हो । अमेरिकामा एडभान्स बुकिङमा फिल्मको उत्साहजनक प्रतिक्रिया प्राप्त भएको छ । अहिले भारतमा समेत ‘जवान’ को एडभान्स बुकिङ खुला गरिएको छ ।
मुम्बईका केहि मल्टिप्लेक्समा जवानको एडभान्स बुकिङ यसअघि नै खुलिसकेको थियो । जसमा बिहानको शोका लागि टिकट २५० भारतीय रुपैयाबाट प्रारम्भ भएको छ भने २डी आईम्याक्सका लागि रातिको शोका लागि टिकट दर १ हजार ८ सय ५० भारुसम्म रहेको छ ।
‘जवान’ को एडभान्स बुकिङ ४५० स्थानमा खोलिएको थियो । जर्मनी, यूएई तथा अस्ट्रलियामा पनि एडभान्स बुकिङ खुल्ला गरिएको एउटा समाचारमा जनाइएको छ ।
यो फिल्म यही भदौ २१ गते बिहिबारदेखि प्रदर्शनमा आउँदैछ ।
Published Date: 02 September 2023
