काठमाडौं, साउन १९ । भौतिक पूर्वाधार तथा यातायातमन्त्री प्रकाश ज्वालाले विद्युतीय सवारीसाधन (इभी) तर्फ आफ्नो रोजाइ सार्न व्यवसायीलाई आग्रह गरेका छन् ।
बिहीबार ट्याक्सी व्यवसायीसँगको भेटमा मन्त्रीले जीवाश्म इन्धनबाट चल्ने सवारीसाधनको सट्टा ईभी चलाउन समयको माग रहेको बताए ।
मन्त्री ज्वालाले सरकारले विद्युतीय सवारी प्रवद्र्धनका लागि नयाँ कानूनको मस्यौदा बनाउने काम गरिरहेकोले उद्योगीलाई ईभीका लागि तयार रहन पनि आग्रह गरे । इम्बोस्ड नम्बर प्लेट नेपाली देवनागिरीमा हुनुपर्ने बताउँदै मन्त्री ज्वालाले उद्यमीले सोही ट्रयाकबाट यात्रा सुरु गर्नुपर्ने बताए ।
सो अवसरमा ज्वालाले ट्याक्सी व्यवसायीलाई अनलाइनमा जान र आफ्नो स्पष्ट पहिचानका लागि वर्दी प्रयोग गर्न आग्रह गरे।
यो खबर पढेर तपाईलाई कस्तो महसुस भयो ?
+1
+1
+1
+1
+1
