वीरेन्द्रनगर, साउन १५ । कर्णाली प्रदेशसभाको नियमावली संशोधन गर्न समिति गठन गरिएको छ ।
आइतबार बसेको प्रदेशसभा बैठकमा सांसद हिक्मतबहादुर विष्टले संशोधन समितिको प्रस्ताव पेस गरेका हुन् । नेपाली कांग्रेसकी सचेतक अमृता शाहीले प्रस्ताव गरेको समितिलाई नेकपा एमालेका सांसद टेकराज पछाईले समर्थन गरेका छन् ।
प्रदेशसभाको नियमावलीमा समय समयमा संशोधन गर्नुपर्ने भएकाले समिति गठन गरिएको हो । समितिले तीन महिनाभित्र आफ्नो जिम्मेवारी पूरा गर्नेछ। नियम २३६ अनुसार उपनियम ३ बमोजिम गठित समितिमा कल्याणी खड्का, टेकराज पचाई, देवेन्द्रबहादुर शाही, पूर्णबहादुर खत्री, महेन्द्र केसी, रणसिंह परियार, विनोदकुमार शाह, सन्तोषी शाही र हिक्मतबहादुर विष्ट रहेका छन् ।
प्रदेश सभाका सभामुख नन्द गुरुङले प्रस्तुत प्रस्तावलाई प्रदेश सभाको बहुमत सदस्यले स्वीकृत गरेको घोषणा गरेकी छन् ।
Published Date: 31 July 2023
