काठमाडौं, साउन १५ । नेपाल र चीनबीचको तातोपानी नाका असोजदेखि सर्वसाधारणका लागि पनि खुला गरिने भएको छ ।
हालै सम्पन्न नेपाल-तीब्बत व्यापार सहजीकरण समितिको ११औं बैठकमा तातोपानी नाकाबाट नेपाली नागरिकलाई पनि आवतजावत गर्ने दिने सहमति भएको हो ।
सन् २०२३ भित्रै ल्हासादेखि काठमाडौंसम्म सिधा उडान गर्ने विषयमा पनि सहमति भएको उद्योग वाणिज्य तथा आपूर्ति मन्त्रालयका सहसचिव रामचन्द्र तिवारीले कान्तिपुर समाचारलाई जानकारी दिए ।
कोरोना महामारीपछि ल्हासा-काठमाडौं सिधा उडान नहुँदा नेपाली व्यवसायीले सम्मस्या झलेका थिए । चिनियाँ पर्यटकको कमी आएको थियो । त्यस्तै द्विपक्षीय बैठकमा नाकामा पूर्वाधार निर्माण, अन्तरदेशीय विशेष आर्थिक क्षेत्र सेज तथा सुक्खा बन्दरगाह निर्माण गर्न चीनले सहयोग गर्ने वचन दिएको छ ।