मुग्लिन, साउन १४ । मुग्लिन–नारायणगढ सडकखण्डमा आइतबार बिहानदेखि पुनः अवरुद्ध भएको छ ।
आज बिहान करिव ९ बजेदेखि उक्त सडक खण्डको कालीखोलामा पहिरो खस्दा यातायात अवरुद्ध भएको छ । जिल्ला प्रहरी कार्यालय चितवनका अनुसार बिहान ९ बजे इच्छाकामना गाउँपालिका वडा नं–६ कालिखोलामा लेदोसहितको पहिरो खसेको हो ।
पहिरोका कारण यो सडक भएर गुड्ने सवारीसाधन र यात्रुहरू अलपत्र परेका छन् । पानी परिरहेको र पहिरो खस्ने क्रम जारी रहेकाले पहिरो पन्छाउन कठिन भैरहेको छ । यो वर्ष मात्र पहिरोका कारण उक्त सडकखण्ड धेरै पटक अवरुद्ध भैसकेको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
