काठमाडौं, साउन १४ । आइतबार सुनचाँदीको भाउ महंगिएको छ । साउन १४ गते, सुन तोलामा ३०० रुपैयाँले बढेको छ । चाँदी पनि आज प्रतितोला पाँच रुपैयाँले उकालो लागेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख १२ हजार ९०० रुपैयाँमा र तेजाबी सुन प्रतितोला एक लाख १२ हजार ३५० रुपैयाँमा कारोबार भइरहेको छ ।
शुक्रबार भने सुनको भाउमा गिरावट देखिएको थियो । त्यस दिन सुन तोलामा ९०० रुपैयाँले सस्तो भएर प्रतितोला एक लाख १२ हजार ६०० रुपैयाँमा झरेको थियो ।
साताको पहिलो दिन, चाँदीको मूल्य वृद्धि भएको छ । आज चाँदी तोलामा पाँच रुपैयाँले महंगिदा प्रतितोला एक हजार ४५५ रुपैयाँमा खरिदबिक्री हुँदैछ ।
अघिल्लो साताको अन्तिम कारोबार दिन, चाँदीको मूल्य प्रतितोला ४० रुपैयाँले घटेको थियो । त्यस दिन चाँदी प्रतितोला एक हजार ४५० रुपैयाँमा किनबेच भएको थियो ।
Published Date: 30 July 2023
