काठमाडौं, साउन ११ । अर्थमन्त्री डा प्रकाशशरण महतले चालु बजेटलाई ढिलाइ नगरी कार्यान्वयन गर्न सरकारका सचिवहरूलाई निर्देशन दिएका छन् ।
अर्थ मन्त्रालयले बुधबार यहाँ आयोजना गरेको कार्यक्रममा मन्त्री महतले असार मसान्तबाट कार्यान्वयनमा आएको बजेट कार्यान्वयनमा जोड दिन सचिवहरुलाई आग्रह गरे ।
उनले भने, “विस्तृत परियोजना प्रतिवेदनसहित आयोजनाको बोलपत्र प्रक्रिया अगाडि बढाउनुपर्छ। आयोजनाको ठेक्का नोभेम्बरभित्रमा हुनुपर्नेछ।”
उनले एक महिनाभित्र प्राप्त सबै रसिद अर्थ मन्त्रालयले १५ दिनभित्र बुझाउने प्रतिबद्धता व्यक्त गरे ।
मन्त्री महतले स्रोत आश्वासनबिना आयोजना अगाडि नबढाउन सचिवहरुलाई निर्देशन दिए ।
Published Date: 27 July 2023
