काठमाडौं, साउन ४ । नेपाल फिफा वरीयतामा यथास्थानमा रहेको छ । विश्व फुटबल महासङ्घ (फिफा) ले बिहीबार सार्वजनिक गरेको नयाँ वरीयतामा नेपाल एक सय ७५औं स्थानमा रहेको छ ।
नेपाल अघिल्लो महिना पनि सोही स्थानमा थियो । दक्षिण एसियाली देशमा नेपाल तेस्रो स्थानमा रहेको छ । दक्षिण एसियामा अगाडि रहेको भारत समग्रमा ९९औं र दोस्रो स्थानमा रहेको माल्दिभ्स समग्रमा एक सय ५५ओं स्थानमा छ ।
यस्तै नेपालपछि रहेको भुटान एक सय ८५औं, बङ्गलादेश एक सय ८९औं, पाकिस्तान २०१औं र श्रीलंका २०४औं स्थानमा रहेको छ । यस्तै विश्ववरीयताको शीर्षस्थानमा विश्वकप विजेता अर्जेन्टिना रहेको । फ्रान्स दोस्रो र ब्राजिल तेस्रो स्थानमा रहेको छ ।
Published Date: 20 July 2023
