मुम्बई, साउन ४ । बिग बोस ओटीटीको सीजन २ ले सामाजिक सञ्जालमा राम्रो प्रतिक्रिया पाएको छ ।
बिग बोसको ओटीटी भर्सनलाई यो पटक सलमान खानले सञ्चालन गर्दैछन् । यद्यपि, सलमान खान यो हप्ता बिग बोस ओटीटी २ वीकेन्डको वार एपिसोड होस्ट गर्न पुगेनन् ।
सलमान खानको ठाउँमा यो हप्ता कृष्णा अभिषेकले कार्यक्रम सम्हालेका थिए । सलमान खानको अनुपस्थितपछि सामाजिक सञ्जालमा सलमानलाई बिग बोस सञ्चालन गर्न मन नलागेको हो कि भन्ने सोच्न थालेका छन् । सलमान र बिग बोस ओटीटीको क्रिएटिभ टीमबीच धुम्रपानको फोटोका कारण विवाद भएको थियो ।
बिग बोस ओटीटी २ पछिल्लो वीकेन्डको वार एपिसोडमा सलमानको हातमा चुरोट देखिएको थियो । कार्यक्रमका एडिटिङ टीमले उक्त दृष्य हटाउन बिर्सिएका थिए । जसकारण सलमानले चुरोट च्यापेको भिडियो सामाजिक सञ्जालमा भाइरल हुन पुग्यो ।
तर सलमानले बिग बोस छाड्न लागेको कुरा भने भ्रामक रहेको बताइएको छ । सलमान छिट्टै कार्यक्रममा फर्कने बताइन्छ ।
Published Date: 20 July 2023
