काठमाडौँ, असार २७ । नेपाल पुलिस क्लबले सातौं प्रधानमन्त्री कप एनभिए महिला तथा पुरुष राष्ट्रिय भलिबल क्लब लिगमा लगातार चौथो जितका साथ फाइनलमा स्थान बनाएको छ । पुलिसले एफिएफलाई ३-० को सोझो सेटमा पराजित गरेको हो ।
राष्ट्रिय खेलकुद परिषद् (राखेप) को कभर्डहलमा भएको खेलमा पुलिसले २५-१६, २५-१५ र २६-२४ को सोझो सेटमा हराएको हो । नेपाल पुलिसले पहिलो सेटमा सानदार सुरुवात गर्नेक्रममा ११(२ को अवस्थामा थियो । पुलिसले २५-१५ को सहज जित हात पार्यो ।
दोस्रो सेटमा एपीएफको सुरुवात राम्रो गरेको थियो । पुलिसले ९-१० को अवस्थाबाट लगातार १० अंक जोडेपछी सहज जित हात पारेको थियो । पुलिसले दोस्रो सेट २५-१५ को सहज जित हात पार्यो । तेस्रो सेटमा एपिएफले ५-० को सुरुवात गरेको थियो । एक समय १-६ को अवस्थामा रहेको पुलिसले ८-८ को बराबरि गरेको थियो ।
११-११ को बराबरीबाट एपिएफले लगातार ५ अंक जोडेको थियो । एपिएफ एक समय २४-२१ को अवस्थामा थियो । तर पुलिसले लगातार पाँच अंक बटुल्दै जित पक्का गर्यो । मनिषा चौधरीले अन्तिम दुई अंक सर्भिसबाट लगातार लिएकी थिइन् । उनी नै खेलको प्लेयर अफ द म्याच चुनिन् ।
पुलिस ४ खेलमा १२ अंकका साथ शीर्ष स्थानमा छ । पुलिसले अन्तिम खेल शुक्रबार न्यू डायमण्डसँग खेल्नेछ । न्यु डायमण्ड र एपिएफ मध्य एक अव फाइनलमा स्थान बनाउनेछन् । न्यु डायमण्ड ३ खेलमा ८ अंकका साथ दोस्रो स्थानमा छ । न्यु डायमण्डले बिहीबार एपिएफसँग खेल्नेछ । उक्त खेलमा विजयी भएमा एक खेल अगावै फाइनल खेल्नेछ ।
पराजित भएमा भने अन्तिम खेलमा पुलिसलाई हराउनु पर्ने हुन्छ । एपिएफ ४ खेलमा ३ मा जित र १ मा हारसहित ८ अंक भएपनि तेस्रो स्थानमा छ । तीन खेलमा २ अंक जोडेको आर्मी, समान तीन खेलमा जित विहीन गण्डकी र एभरेष्ट भने प्रतियोगिताबाट बाहिरि सकेका छन् ।
