काठमाडौं, असर २० । घोराही सिमेन्टको प्राथमिक सेयर (आइपीओ) पुनः बिक्री खुला हुने भएको छ ।
नेपाल धितोपत्र बोर्डले घोराही सिमेन्टको आइपीओमा फर्जी आवेदन दिने आवेदनकर्तासँग आइपीओ जारी गर्ने कम्पनी, निष्कासनकर्ता तथा बिक्री प्रबन्धकको सञ्चालक र कर्मचारीसँग कुनै सम्बन्ध नरहेको निष्कर्श निकालेको छ । आइपीओ प्रकरण माथि अध्ययन गर्न नेपाल धितोपत्र बोर्डले गठन गरेको अध्ययन समितिले अध्ययन प्रतिवेदन बुझाएसँगै बोर्ड उक्त निष्कर्श निकालेको हो ।
धितोपत्र बोर्डले कम्पनीको आइपीओमा यसअघि आवेदन दिएका लगानीकर्ताहरुले सेयर कित्ता थपघट वा आवेदन रद्ध गर्नसक्ने सम्मको व्यवस्था गरेको जनाएको छ । धितोपत्र बोर्डले कम्पनीको आइपीओमा यसअघि आवेदन दिएका लगानीकर्ताहरुले सेयर कित्ता थपघट वा आवेदन रद्ध गर्नसक्ने सम्मको व्यवस्था गरेको जनाएको छ ।
यसका लागि निष्कासन तथा बिक्री प्रबन्धकले सूचना जारी तीन दिनको समय दिने धितोपत्र बोर्डले जनाएको छ । अब यस कम्पनीले ३ दिनदेखि ७ दिनसम्म मात्रै आइपीओ बिक्री खुला गर्न पाउने बोर्डको भनाइ छ ।
यस कम्पनीले जेठ ३२ गतेदेखि सर्वसाधारणको लागि आइपीओ जारी गरेको थियो । कम्पनीले आइपीओ जारी गरेको ५औं दिनमा धितोपत्र बोर्डले असार ४ गते आइपीओ निष्कासन प्रक्रिया स्थगित गरेको थियो । कम्पनीको रेटिङ्स र सार्वजनिक निष्कासन सम्बन्धी कैफियतको जाँचबुझका लागि घोराही सिमेन्टको आइपीओ निष्कासनको सम्पूर्ण प्रक्रिया स्थगन गरिएको बोर्डले जानकारी गराएको थियो ।
