काठमाडौं, असार १७ ।नेपालले आइसिसी विश्वकप छनोटको प्लेअफ खेलमा युएईविरुद्ध राम्रो बलिङ प्रदर्शन गरेको छ । जिम्बावेको ताकाशिंगा स्पोर्ट्स क्लबमा टस हारेर पहिला ब्याटिङको निम्तो पाएको युएईले २९ ओभरमा ४ विकेट गुमाउँदै १ सय १ रन बनाएको छ ।
युएईका रोहन मुस्तफा ८ र बासिल हामिद २ रनमा क्रिजमा छन् । नेपालका तीव्र गतिका बलर करण केसी पहिलो ओभरको दोस्रो बलमै ओपनर आसिफ खानलाई शून्यमा पेभेलिएन फर्काएका थिए ।
आसिफ एज लागेर विकेटकिपर अर्जुन साउदबाट क्याच आउट हुन पुगेका थिए । नियमित ओपनर तथा कप्तान मोहम्मद वासिम चोटका कारण यस खेलमा छैनन् । वासिम नहुँदा आसिफलाई ओपनिङ पठाएको थियो ।
दोस्रो विकेटका लागि अर्यांश शर्मा र कप्तान वृत्यले ६४ रनको साझेदारी गरेका थिए । सन्दीपले आफ्नो पहिलो ओभरमै नेपाललाई दोस्रो सफलता दिलाएका हुन् । सन्दीपको १५ औं ओभरको अन्तिम बलमा शर्मा एज लागेर फस्ट स्लिपमा आरिफ शेखबाट २८ रनमा क्याच आउट भए । उनले ४३ बलमा ३ चौका प्रहार गरे ।
सन्दीपले मध्यक्रमका ब्याटर रमिज शाहजादलाई १० रनमा एलबीडब्लू आउट गरेका थिए । तीव्र गतिका बलर गुलशन झाले कार्यवाहक कप्तान वृत्य अरविन्दलाई ४४ रनमा बोल्ड गर्दै युएईलाई २७.३ ओभरमा ९७-४ को अवस्थामा पुगेको थियो ।
वृत्य ७५ बलमा ४ चौका प्रहार गरे । नेपालले सातौं स्थानको लागि युएईसँग प्रतिस्पर्धा गरेको छ । नेपाल विजयी भएमा आयरल्यान्डसँग सातौं र पराजित भएमा अमेरिकासँग नवौं स्थानको लागि भिड्नेछ ।
Published Date: 02 July 2023
