काठमाडौं, असार १३ । देशभर मनसुन मौसमको प्रभावले आज दिउँसो देशभरको मौसम आंशिकदेखि सामान्य बदली रहने जल तथा मौसम विज्ञान विभाग मौसम पूर्वानुमान महाशाखाले जनाएको छ । महाशाखाका अनुसार कोशी, वाग्मती, गण्डकी र लुम्बिनी प्रदेशका केही स्थानका साथै बाँकी प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
मधेस प्रदेश लगायत बागमती, गण्डकी र लुम्बिनी प्रदेशका तराईका धेरै स्थानमा र अन्य प्रदेशका तराईका थोरै स्थानहरुमा मेघ गर्जनसहित हावाहुरी चल्ने महाशाखाले जनाएको छ ।
त्यसैगरी आज राति देशभर आंशिकदेखि मध्यम वर्षा हुनेछ। कोशी, वाग्मती, गण्डकी र सुदूरपश्चिम प्रदेशका थोरै स्थानहरुमा साथै बाँकी प्रदेशका थोरै स्थानहरुमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।
गण्डकी र लुम्बिनी प्रदेशका तराईका धेरै स्थानमा र बाँकी प्रदेशका तराईका थोरै स्थानमा मेघ गर्जनसहित हावाहुरीसहित वर्षाको सम्भावना रहेको छ ।
Published Date: 28 June 2023
