काठमाडौं, असार ८ । त्रिभुवन विश्वविद्यालयका समाजशास्त्रका सहायक प्राध्यापक प्रेम चलाउनेले अनशन स्थगन गरेका छन् । सरकारले आफ्ना आक्रमणकारीमाथिको मुद्दा फिर्ता लिने निर्णयको विरोध गर्दै चालौने विगत पाँच दिनदेखि त्रिभुवन विश्वविद्यालयका उपकुलपतिको कार्यालय अगाडि अनसन बसेका थिए ।
सर्वोच्च अदालतले बिहीबार चलाउने आक्रमणकारीविरुद्ध दायर मुद्दा फिर्ता नगर्न सरकारलाई अन्तरिम आदेश दिएको छ । सर्वोच्चले मुद्दा फिर्ता लिनुको कारण पेश गर्न सरकारलाई निर्देशन दिएको छ ।
चलाउने सरकारको निर्णय बदर गर्न माग गर्दै सर्वोच्चमा पुगेका थिए । उनले मुद्दा फिर्ता लिने सरकारको निर्णय तर्कसंगत नभएको र अपराधीलाई संरक्षण गर्ने खालको भएको भन्दै सरकारको निर्णय तत्काल रोक्न माग गरे ।
२०७९ असोज २० गते नेपाली कांग्रेस निकट नेपाल विद्यार्थी संघ (नेविसंघ)का हरि आचार्यसहितको समूहले चालौनेलाई कुटपिट गरी गम्भीर घाइते बनाएको थियो ।
Published Date: 23 June 2023
