काठमाडौं, जेठ ३२ । हेटौंडाहुँदै काठमाडौं जोड्ने कान्ति लोकपथ तथा कुलेखानी–सिस्नेरी–दक्षिणकाली–फर्पिङ सडक पहिरोले अवरुद्ध भएको छ ।
जिल्ला प्रहरी कार्यालय मकवानपुरका अनुसार कान्ति लोकपथको ललितपुरतर्फ भट्टेडाँडा सडक खण्डमा बुधवार भएको वर्षापछि आएको पहिरोका कारण रातिदेखि सडक अवरुद्ध भएको छ ।
अर्कोतिर हेटौंडाबाट काठमाडौं जाने छोटो दुरीको मार्ग कुलेखानी–सिस्नेरी–दक्षिणकाली–फर्पिङ सडक खण्डको मकवानपुरको इन्द्र सरोवर गाउँपालिका ३ स्थित सिस्नेरीमा बिहीबार बिहान आएको पहिरोले सडक अवरुद्ध भएको जिल्ला प्रहरी कार्यालय मकवानपुरका प्रहरी प्रवक्ता प्रहरी नायव उपरीक्षक टेकबहादुर कार्कीले जानकारी दिएका छन् ।
यी सडक भएर यात्रा गर्ने सवारीसाधनहरुलाई पहिरो पन्छाएर सडक सुचारु गर्ने प्रयास भइरहेकोले वैकल्पिक मार्ग प्रयोग गर्न आग्रह गरिएको छ ।
राजमार्ग अवरुद्ध भएपछि हेटौंडा आउने तथा काठमाडौं जाने सवारीसाधनहरु सडकमै रोकिएका छन् भने यात्रुहरु अलपत्र परेका छन् ।
Published Date: 15 June 2023
