काठमाडौं, जेठ २५ । भोली देखि नेपाल तेक्वान्दो संघले “1st NTA Open Kyorugi League Taekwondo Championship – 2023” आयोजना गर्ने भएको छ।
संघद्वारा बढि भन्दा बढि प्रतियोगिताहरुको आयोजना गरी खेलाडीहरुलाई अत्याधिक रुपमा सहभागिता र अनुभव हासिल गराई भविष्यका लागि नयाँ प्रतिभावान र सम्भावित खेलाडीहरुको पहिचान गर्दै आगामी दिनका लागि उत्कृष्ट खेलाडीहरुको चयन गर्ने उद्देश्यले यो प्रतियोगिताले अहमभूमिका खेल्नेछ भनि संघले विश्वास लिएको जनाएको छ ।
प्रतियोगितामा नेपाल भरिका करिब १ हजार जना खेलाडीहरुले सहभागिता जनाउनुका साथ सिनियर ईभेन्ट तर्फ १८ वटा तौल समूह, जुनियर तर्फ तथा क्याडेट तर्फ६–६ र चिल्ड्रेन तर्फ ८ गरी कुल प्रतिस्पर्धा ३८ ईभेन्टमा हुने प्रतियोगिता संयोजक बब्लु शिवाकाटीले जानकारी दिए ।
प्रतियोगितामा नेपाली सेना, नेपाल प्रहरी, सशस्त्र प्रहरी बल र सात वटै प्रदेशका खेलाडीहरुको सहभागिता रहने यस प्रतियोगिता भोलि शुक्रबारका औपचारिक रुपमा उद्घाटन हुने आयोजक समितिका अध्यक्ष एवम् केन्द्रिय उपाध्यक्ष भानबहादुर चन्दले जानकारी दिए ।
गत वैशाख १३ गतेका दिन “1st NTA Open Poomsae League Taekwondo Championship – 2023” सफलताका साथ सम्पन्न भएको संयोजक बल्लु सिवाकोटीले जानकारी दिए ।