Icon Khabar: Icon Khabar

काठमाडौं, जेठ ६ । त्रिभुवन आर्मी क्लबका मुकेश पाल र पुलिस क्लबकी राजपुरा पछाईंले शनिबार राजधानीमा आयोजित नवौं कान्तिपुर हाफ म्याराथन २०२३ को उपाधि जितेका छन् ।

‘लेट्स गो ग्रिन टुगेदर’ नारासहित भएको यसपालिको कान्तिपुर हाफ म्याराथन जित्न मुकेशले १ घन्टा ६ मिनेट ४५ सेकेन्ड निकाले । उनी पहिलोपल्ट विजेता भएका हुन् ।

थापाथलीस्थित कान्तिपुरको मुख्यालय सेन्ट्रल बिजनेस पार्कबाट सुरु भएको कान्तिपुर हाफ म्याराथन दौड माइतीघर मण्डला, बानेश्वर, तीनकुने, कोटेश्वर, जडिबुटी, लोकन्थली गठ्ठाघर, थिमी, सल्लाघारी चोकबाट फन्को लगाएर, कोटेश्वर, तीनकुने, बानेश्वर, मण्डला माइतीघर हु“दै सेन्ट्रल बिजनेस पार्क आएर टुंगिएको थियो ।

आर्मीकै राजन रोकाय दोस्रो भए । उनले १ घन्टा ७ मिनेट ५५ सेकेन्ड लगाए । बागलुङ घर भई भारतीय सेनामा कार्यरत तीर्थ पुन तेस्रो भए । उनले १ घन्टा ९ मिनेट १८ सेकेन्डमा दौड पूरा गरेका थिए । पुरुषतर्फ आर्मीको वर्चस्व हु“दा खड्काबहादुर खड्काले १ घन्टा ९ मिनेट २९ सेकेन्ड र गजेन्द्र राईले १ घन्टा १० मिनेट ५२ सेकेन्डबाट क्रमशः चौथो र पा“चौं भए । गत वर्ष एपीएफका गोपीचन्द्र पार्कीले उपाधि जितेका थिए ।

महिलातर्फ राजपुराले उपाधि रक्षा गरिन् । गत वर्षकी विजेता पुलिसकी राजपुरा १ घन्टा १९ मिनेट १६ सेकेन्डबाट विजेता भएकी हुन् । उनले गत वर्ष १ घन्टा १९ मिनेट ६ सेकेन्ड लगाएकी थिइन् । पुलिसकै राममाया बुढा दोस्रो भइन् । उनले १ घन्टा २३ मिनेट ०७ सेकेन्ड लगाइन् । एपीएफकी पुष्पा भण्डारी १ घन्टा २४ मिनेट ३१ सेकेन्डबाट तेस्रो, पूर्णराज्य लक्ष्मी न्यौपाने १ घन्टा २६ मिनेट २३ सेकेन्डबाट चौथो र गीता बिक १ घन्टा २९ मिनेट ३६ सेकेन्डबाट पाँचौं भए । हाफ म्याराथन पुरुष र महिला दुवैका विजेताले जनही १ लाख पाउने पुरस्कार पाए । दोस्रो हुनेले ५० हजार, तेस्रो हुनेले ३० हजार, चौथो हुनेले २० हजार, पाँचौं हुनेले १० हजार र छैटौं हुनेले ५ हजार पाएका छन् ।

ह्विलचेयर दौड (३ किमि)
कान्तिपुर हाफ म्याराथनअन्तर्गत रमेश खत्रीले ह्विलचियरतर्फ उपाधि जितेका छन् । ३ किलोमिटर दुरी उनले ७ मिनेट २६.७४ सेकेन्डमा पार थिए । थापाथलीस्थित कान्तिपुर पब्लिकेशन्सको कार्यलय अगाडिबाट सुरु भएको ह्विलचेयर रेस, थापाथली, माइतीघर मण्डला फन्को लगाएर पुनः सेन्ट्रल बिजनेस पार्कमै गएर टुंगिएको थियो । दान थिङ दोस्रो भए । गत वर्ष तेस्रो भएका उनले ७ मिनेट ३५ सेकेन्ड लगाए । उनी आर्मीका बास्केटबल खेलाडी हुन् । रामकाजी मिजार तेस्रो भए । उनले ८ मिनेट ५२.८४ सेकेन्डबाट दौड पूरा गरे ।
महिलातर्फ ऐश्वर्या कुमाल विजेता भइन् । उनले १० मिनेट ९.७८ सेकेन्डमा दौड पुरा गरिन् । पूर्वविजेता यामकुमारी झाँक्रीमगर दोस्रो र पेमा छोक्पा गुरुङ तेस्रो भए । यामकुमारीले १० मिनेट ५१.०७ सेकेन्ड र पेमाले ११ मिनेट २५.१० सेकेन्डमा दौड पुरा गरेका थिए । ह्विलचेयरतर्फ पहिलोदेखि तेस्रो स्थान हात पार्नेले क्रमशः ३० हजार, २० हजार र १० हजार रुपैयाँ पुरस्कार पाए ।

कर्पोरट रन (५ किमि)
विकेश घिमिरे र सुनिता महर्जन कर्पोरेट रनतर्फ विजेता बने । ५ किलोमिटर दूरी विकेशले १४ मिनेट ३६.३ सेकेन्डमा पूरा गरेका हुन् । सुनीताले २३ मिनेट २३.९० सेकेन्डमा पूरा गरिन् ।
पुरुषतर्फ १४ मिनेट ४६.७ सेकेन्डबाट विकास पोखरेल दोस्रो भए र १५ मिनेट ००.६ सेकेन्डबाट अनिश लामा गुरुङ तेस्रो भए । महिलातर्फ विनिता महर्जनले २३ मिनेट ३०.२९ सेकेन्डबाट दोस्रो र एलिना श्रेष्ठले २६ मिनेट ०७.४९ सेकेन्डबाट तेस्रो भए ।

कलेज रन (७ किमि)
पुकारजंग बस्नेत र सुसन कार्कीले कान्तिपुर हाफ म्याराथनको कलेज रन जितेका छन् । ७ किलोमिटर दूरी पुकारले २४ मिनेट ४७ सेकेन्डमा पूरा गरे । सुसनले निर्धारित दूरी २७ मिनेट २९.५६ सेकेन्डमा पूरा गरिन् । पुरुषतर्फ २४ मिनेट ५३ सेकेन्डबाट रिम बुढामगर दोस्रो र २५ मिनेट ३० सेकेन्डबाट समिप थुलुङ राई तेस्रो भए । महिलातर्फ निशम हाङ सुब्बाले ३१ मिनेट ०७.५० सेकेन्डबाट दोस्रो र मिनिशा पन्तले ३२ मिनेट १८.४२ सेकेन्डबाट तेस्रो भए । कलेज रनतर्फ पहिलो दोस्रो र तेस्रो हुनेले केएफसीबाट फुड गिफ्ट भौचर पाए भने कर्पोरेटतर्फ विजेतालाई केएफसी र ह्याम्स हस्पिटलको तर्फबाट गिफ्ट ह्याम्पर प्रदान गरिएको थियो ।

प्रतियोगितामा कलेज रन पहिलो पटक राखिएको आयोजकले जनाएको छ । यसमा १८ वर्षमाथिका विद्यार्थीले दौडिएका थिए । नेपाल एथलेटिक्स संघको प्राविधिक सहयोगमा वार्षिक क्यालेन्डरमा हुँदै आएको छ ।

सिटी म्याराथनको अवधारणामा भइरहेको कान्तिपुर हाफ म्याराथनको उद्घाटन प्रधानमन्त्री पुष्पकमल दाहालले गरेका थिए । प्रधानमन्त्री दाहालले सरकारले खेलकुद क्षेत्रलाई प्राथमिकतामा राखेको बताउँदै कर्पोरेट क्षेत्रबाट विभिन्न उद्देश्यमा जनचेतना जगाउँदै खेलकुद प्रतियोगिता हुनुले सकारात्मक रहेको बताए ।

यसपालि कान्तिपुर हाफ म्याराथनमा ४ हजारभन्दा बढीको सहभागिता रहेको आयोजकले जनाएको छ ।

कान्तिपुर हाफ म्याराथनको प्रमुख प्रायोजकमा ग्लोबल आईएमई बैंक हो । सिटिजन लाइफ इन्स्योरेन्स, एपेक्स मेडिकल एन्ड इन्जिनियरिङ, केएफसी चिकेन, पिज्जा हट, होन्डा मोटरसाइकल, एनटीएनसी, नेपाल खाद्य संस्था, गमला घर, वेलडन एडभरटाइजिङ, हाम्रो बजार डटकम ह्याम्स हस्पिटल पार्टनरका रूपमा रहेका छन् ।

यो खबर पढेर तपाईलाई कस्तो महसुस भयो ?

Published Date: 20 May 2023

Icon Khabar

Website | + posts

ताजा समाचार

किकम्पा मन्टेश्वरीको आठौँ वार्षिकोत्सव तथा अभिभावक दिवस सम्पन्न

उच्च पहाडी तथा हिमाली भू-भागमा हिमपातको सम्भावना

शनिबारका लागि विदेशी मुद्राको विनिमयदर

सुनको मूल्य एकैदिन २० हजार ५ सय रुपैयाँले घट्यो, चाँदीमा पनि गिरावट

शुक्रबारका लागि विदेशी मुद्राको विनिमयदर

आज सहिद दिवस, विभिन्न कार्यक्रम गरी मनाइँदै

बिना कण्डमको प्रयोग पनि गर्भ नरहने गरि यौन सम्पर्क राख्न सकिन्छ। तर कसरि ?

खाना पकाउने एलपी ग्यासको मूल्य दुई थरि कायम हुने

जलवायु परिवर्तनले नेपालमा ठुलो नोक्सान हुन सक्ने

हनुमन्ते खोलामा आएको बाढीले भक्तपुर र थिमि डुबानमा

राष्ट्र बैंकले धनतेरसको लागि आगामी मंगलबारमात्रै सुनका असर्फी बिक्री गर्ने

काठमाडौंमा मेलम्चीको पानी बन्द भएपछि धाप ड्यामको पानी वितरण

कान्तिपुर हाफ म्याराथनमा मुकेश र राजपुरा विजयी

Icon Khabar

सम्बन्धित समाचार

किकम्पा मन्टेश्वरीको आठौँ वार्षिकोत्सव तथा अभिभावक दिवस सम्पन्न

उच्च पहाडी तथा हिमाली भू-भागमा हिमपातको सम्भावना

शनिबारका लागि विदेशी मुद्राको विनिमयदर

सुनको मूल्य एकैदिन २० हजार ५ सय रुपैयाँले घट्यो, चाँदीमा पनि गिरावट

भक्तपुर उद्योग वाणिज्य संघको अध्यक्षमा न्यौपाने निर्विरोध

कमलविनायक सडक दुर्घटनापछि उठ्यो प्रश्नः भक्तपुरमा ट्राफिक लाइट, जेब्रा क्रसिङ र सडक सुरक्षाको पूर्ण अभाव

प्रतिनिधि सभा निर्वाचन २०८२: भक्तपुर–१ बाट को संसद पुग्ला? (उम्मेदवार सूचीसहित)

भक्तपुर चेम्बर अफ कमर्सको अध्यक्षमा सुरेन्द्र तुबन्जा श्रेष्ठ निर्विरोध