काठमाडौं, जेठ ५ । सरकारले नागरिकताको समस्या तत्काल समाधान गर्ने घोषणा गरेको छ ।
राष्ट्रपति रामचन्द्र पौडेलले शुक्रबार प्रस्तुत गरेको आर्थिक वर्ष २०८०/८१ को नीति तथा कार्यक्रममा यस्तो घोषणा गरिएको हो ।
सरकारले विदेशमा रहेका नेपाली नागरिकलाई आवधिक निर्वाचनमा मतदान गर्न दिने व्यवस्था मिलाउने भएको छ ।
आतंकवाद र संगठित अपराध, सम्पत्ति शुद्धीकरण, हिंसा, साइबर अपराध, अवैध लागुऔषध ओसारपसारलगायतका सबै प्रकारका आपराधिक गतिविधिलाई नियन्त्रण गर्न आधुनिक प्रविधि प्रयोग गरी सुरक्षा निकायलाई सशक्त बनाइने पौडेलले बताए ।
त्यसैगरी सरकारले कारागारमा भीडभाड नहोस् भन्नका लागि आगामी ५ वर्षभित्र पुराना कारागार सञ्चालन र नयाँ कारागार निर्माण गर्ने भएको छ ।
Published Date: 19 May 2023
