काठमाडौं, वैशाख २४ । सहिद स्मारक ए डिभिजन लिगमा आर्मी र संकटाले बराबरी खेलेको छन् । आईतबार एन्फा कम्प्लेक्स सातदोबाटोमा आर्मीले पुछारको टिम संकटासँग १–१ गोलको बराबरी खेल्दै अंक बाँडेको हो ।
खेलको १८ औं मिनेटमा कप्तान भरत खवासको गोलमा आर्मीले अग्रता बनाएको थियो । भरतले यस सिजनको लिगमा आफ्नो पहिलो गोल गरेका हुन् । उनी खेलको म्यान अफ दि म्याच समेत घोषित भए ।
जिततर्फ अग्रसर आर्मीले खेलको इन्जुरी समयमा पेनाल्टी ब्यहोर्नुपर्यो । संकटाका लेबनानी फरवार्ड युसुफ एट्रिसले पेनाल्टीमा गोल गर्दै संकटाको संकट टारेका थिए । रेलिगेशन जोनमा रहेको संकटाले १५ खेलबाट १७ अंक जोडेको छ । आर्मीले समान खेलबाट २१ अंक जोडेको छ ।
Published Date: 07 May 2023
