काठमाडौं, वैशाख २१। नेकपा (एकीकृत समाजवादी)का अध्यक्ष माधवकुमार नेपालले राष्ट्रिय स्वतन्त्र पार्टी (रास्वपा)लाई वर्तमान सरकारमा सामेल हुनुपर्ने बताएका छन् ।
कैलालीको धनगढीमा आज आयोजित पत्रकार सम्मेलनमा पूर्वप्रधानमन्त्रीले रास्वपालाई सरकारमा सामेल गर्नु राम्रो हुने सुझाव दिए ।
रास्वपालाई सरकारमा ल्याउने विषयमा सहमति भएको थियो । गठबन्धनभित्र छलफल गरेर निर्णय हुन्छ,’ उनले भने ।
उनले भने, ‘रास्वपा अध्यक्ष रवि लामिछानेले गरेको राहदानी दुरुपयोगको विषयलाई पार्टीले गृह मन्त्रालयको जिम्मेवारी दिए पनि स्वतन्त्र रूपमा समाधान गर्नुपर्छ ।
विश्व आर्थिक संकटले नेपालमा पनि प्रभाव पारेको सन्दर्भमा उनले देशको अर्थतन्त्रमा सुधार गर्नुपर्नेमा जोड दिए । सरकारले अनावश्यक खर्चमा कटौती गरी जनताको जीविकोपार्जनसँग प्रत्यक्ष जोडिएका विषयहरूमा ध्यान दिनुपर्ने सुझाव दिए ।
अर्को सन्दर्भमा उनले विद्यमान गठबन्धन लामो समयसम्म टिक्ने दाबी गरे ।
Published Date: 04 May 2023
