काठमाडौँ, वैशाख १९ । चलचित्र ‘नाङ्गो गाउँ’को अष्ट्रेलिया राइट्स विक्री भएको छ । अष्ट्रेलियाको एमएसएम ईन्टरटेन्मेन्ट्सले यो फिल्मको अधिकार खरिद गरेको हो । दिपेन्द्र लामा निर्देशित फिल्मको अझै पनि २० प्रतिशत छायांकन हुन बाँकी नै छ ।
फिल्मको प्रदर्शन मिति भदौको २९ गतेलाई तोकिएको छ । फिल्मलाई अष्ट्रेलियामा पनि भदौ २९ गते नै रिलिज गर्ने योजना बनाइएको छ । निर्देशक लामाका अनुसार, उनकै निर्देशनमा तयार भएको फिल्म ‘२ नम्बरी’को भन्दा महंगो मुल्यमा यो चलचित्र अष्ट्रेलियामा विक्री भएको हो । चलचित्रको टिम, कलाकार, निर्देशकमाथि विश्वास गरेर आफूहरुले फिल्म खरिद गरेको एमएसएमका छत्र थापाले बताए ।
चलचित्र ‘नाङ्गो गाउँ’ मा दयाहाङ राई, मिरुना मगर, साम्राज्ञी राज्यलक्ष्मी शाह, कर्म, वुद्दि तामाङ, रविन्द्र झा, शिशिर वाङ्देल लगायतका कलाकारको अभिनय छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
