कर्णाली, वैशाख १६ । कर्णाली प्रदेशका मुख्यमन्त्री राजकुमार शर्माले विश्वासको मत प्राप्त गरेका छन् ।
कर्णाली प्रदेशसभाको शुक्रबारको पहिलो बैठकमा सभामुख नन्द गुरुङले मुख्यमन्त्री शर्मालाई समय दिएपछि मुख्यमन्त्री शर्माले विश्वासको मतका लागि प्रस्ताव पेस गरेका हुन् ।
कर्णाली प्रदेशसभाका ३९ सदस्यमध्ये शर्माले २९ जना नेकपा (माओवादी केन्द्र)का १३, नेपाली काँग्रेसका १४, नेकपा (एकीकृत समाजवादी)का एक र स्वतन्त्र एक जनाबाट मत प्राप्त गरेका छन् ।
यसअघि शर्माले गत माघ ०६ गते पहिलो पटक र चैत १७ मा दोस्रो पटक विश्वासको मत पाएका थिए । सत्तारुढ साझेदार परिवर्तनका कारण उनी पटकपटक फ्लोर टेस्टका लागि जानुपरेको थियो ।
Published Date: 29 April 2023
