काठमाडौं, वैशाख १६ । उच्च रक्तचाप अर्थात हाई बिपी जस्तै लो बिपी पनि खतरनाक हुन्छ । अहिलेको दौडधुप तथा तनावयुक्त जिन्दगीमा ब्लड प्रेसरको समस्या हुनु सामान्य कुरा भएको छ ।
यदि तपाईँको ब्लड प्रेसर पनि लामो समयसम्म सामान्य स्तरभन्दा कम भयो भने तपाईँ तुरुन्त सतर्क हुनु आवश्यक हुन्छ । किनभने ब्लड प्रेसर कम हुने अथवा लो बीपी हुँदा रगत हाम्रो शरीरमा राम्रोसंग सञ्चार हुँदैन ।
लो ब्लड प्रेशर हुँदा रिँगटा लाग्नु, अँध्यारो देख्नु, हात–खुट्टा चिसो हुनु, केहि समयका लागि बेहोस हुनु र सुत्दा–उठ्दा तथा उभिँदा ब्लड प्रेसरको स्तरमा परिवर्तन हुनु आदि । यसका साथै हृदयघात अथवा स्ट्रोकजस्ता अन्य गम्भिर समस्या हुनु ।
स्वस्थ्य मानिसको बिपीको स्तर १२०/८० एमएमएचजी अथवा यसको वरपर हुनु आवश्यक छ । यदि ब्लड प्रेसर ९०/६० भन्दा पनि कम छ भने यो अवस्थालाई ब्लड प्रेसर लो मानिन्छ । लो ब्लड प्रेसर भएका व्यक्तिले तुरुन्त डाक्टरसंग उचित सल्लाह लिएर आफ्नो खानपानमा परिवर्तन गर्न र आवश्यक औषधिको सहायताले आफ्नो प्रेसरलाई सामान्य बनाउने कोशिश गर्नु पर्छ ।
ध्यान दिनु पर्ने कुरा
– गोलभेडाको रसमा थोरै मरिच र नुन हालेर सेवन गर्नु पर्छ । यसो गर्नाले लो ब्लड प्रेसरमा लाभ प्राप्त हुन्छ ।
लो ब्लड प्रेसरलाई सामान्य बनाउनका लागि दिनहुँ बिहान–बेलुका चुकन्दरको रस सेवन अति फाइदाजनक हुन्छ । चुकन्दरको सेवनले एक हप्तामा नै लो ब्लड प्रेशरमा सुधार आउँछ ।
– मोहिमा नुन, भुटेको जीरा र हीङ मिसाएर पिउनाले लो ब्लड प्रेसर नियन्त्रित हुन्छ ।
– दालचीनीको धुलोलाई दिनहुँ तातो पानीसंग सेवन गर्नाले लो ब्लड प्रेसरको समस्यामा लाभ प्राप्त हुन्छ । यसलाई दिनहुँ विहान बेलुका सेवन गर्नु पर्छ ।
– ५० ग्राम लोकल चना र १० ग्राम किसमिसलाई राति १०० ग्राम पानीमा कुनै पनि काँचको भाँडामा राख्नु पर्छ । बिहान चना र किसमिसलाई राम्रोसंग चपाएर खानु पर्छ र भिजाएर बाँकी राखिएको पानी पिउनु पर्छ । किसमिस मात्रको प्रयोग पनि गर्न सकिन्छ ।
– गाजरको २०० ग्राम रसमा एक चौथाई पालुगोको रस मिसाएर पिउनाले ब्लड प्रेशरमा ५० भन्दा कम छ भने गाजर सेवन लाभदायक हुन्छ ।
– यसबाहेक अदुवाको स–साना टुक्रा पारेर कागतीका रस र बिरे नुन मिलाएर राख्नु पर्छ । उक्त मिश्रणलाई दिनहुँ खाना खानु अगाडि थोरै मात्रामा खानु पर्छ । दिनभरीमा ३ देखि ४ पटक यो मिश्रणको सेवन गर्न सकिन्छ । यसो गर्नाले लो ब्लड प्रेसरको समस्या केहि दिनमा नै समाप्त हुन्छ ।
– लो ब्लड प्रेसरका कारण यदि रिँगटा लाग्ने समस्या छ भने अमलाको रसमा मह मिसाएर खानाले छिट्टै राहत मिल्छ । अमलाको मुरब्बा पनि ब्लड प्रेसरका रोगिका लाग एउटा राम्रो विकल्प हो ।
– खजुरलाई दुधमा मोलेर पिउनाले पनि लो ब्लड प्रेशरको समस्यामा लाभदायक हुन्छ ।
– माथि उल्लेख गरिएको उपायसंगै लो ब्लड प्रेसरका रोगीले पोषकतत्वले भरिपूर्ण भोजन गर्नुका साथै हिँड्ने र व्यायाम गर्नु अति लाभदायक हुन्छ ।
