कोभिड–१९ को सङ्क्रमण बढ्दै गएपछि खोप लगाउन सबैलाई स्वास्थ्य मन्त्रालयको आग्रह

काठमाडौं, वैशाख ११ । स्वास्थ्य तथा जनसङ्ख्या मन्त्रालयले कोभिड–१९ को सङ्क्रमण बढ्दै गएपछि खोप लगाउन सबैलाई आग्रह गरेको छ ।

मन्त्रालयका सहप्रवक्ता डा समिरकुमार अधिकारीका अनुसार कोभिड–१९ विरुद्धको खोपले संक्रमणको जोखिम कम हुन्छ । संक्रमणको अवस्थामा, खोप लगाइएको व्यक्तिको तुलनामा खोप नभएको व्यक्तिलाई गम्भीर रूपमा बिरामी हुने जोखिम १० गुणा बढी हुन्छ।

त्यसैगरी, भाइरसबाट हुने मृत्युको सम्भावना खोप न लगाइएका मानिसहरूको तुलनामा १० गुणा बढी हुन्छ। डा अधिकारीले नजिकैका स्वास्थ्य संस्थामा गएर कोभिड–१९ को खोपको बुस्टर डोज लिन सर्वसाधारणलाई आग्रह गरे ।

आइतबार ८१ नयाँ सङ्क्रमणका घटनाहरू रेकर्ड भएका छन् र योसँगै सक्रिय सङ्क्रमितको सङ्ख्या ३७० पुगेको छ ।छिमेकी भारतमा फैलिएको कोभिड–१९ को उप-विरूप ओमिक्रोन एक्सबीबी.१.१६ नेपालमा पनि भेटिएको छ । विभिन्न स्वास्थ्य संस्था र स्थानीय सरकारहरूले कोभिड–१९ विरुद्ध खोपहरू उपलब्ध गराउँछन्।

वीर अस्पताल, शुक्रराज ट्रपिकल तथा सरुवा रोग अस्पताल, पाटन स्वास्थ्य विज्ञान प्रतिष्ठान, त्रिवि शिक्षण अस्पताल, वीरेन्द्र सैनिक अस्पताल, नेपाल सशस्त्र प्रहरी बल अस्पताल, परोपकार प्रसूति तथा महिला अस्पताल र नेपाल प्रहरी अस्पतालले नियमित पहिलो र दोस्रो डोज र बुस्टर पनि उपलब्ध गराउँदै आएका छन् ।