काठमाडौं, वैशाख ७ । सरकारले मेलम्ची खानेपानी विकास बोर्डलाई पुनर्जीवित गरेको छ । हालै जारी मेलम्ची खानेपानी विकास समिति (गठन) आदेश–२०७९ मा बसेको मन्त्रिपरिषद् बैठकले बोर्ड गठन गरेको हो ।
मेलम्ची खानेपानी विकास बोर्डले चालु आर्थिक वर्षको बजेट खारेज गरेपछि आयोजनाको बाँकी काम अलपत्र परेको थियो । जसका कारण कार्यरत मेलम्ची खानेपानी विकास बोर्ड शक्तिविहीन बनेको छ ।
समितिले सञ्चालित काम खानेपानी तथा ढल निकास व्यवस्थापन विभाग मातहत हुने बजेटमा भनिए पनि त्यसो हुन सकेको छैन ।
भर्खरै सरकारले नयाँ गठन आदेश जारी गर्दै मेलम्ची खानेपानी आयोजनाको गाँठो सफा गरेको छ । तर, सरकारले मेलम्ची खानेपानी विकास बोर्डमा आफ्नो पकड बढाउन नयाँ व्यवस्था गरेको छ ।
समितिको सञ्चालक समितिमा आयोजना प्रभावित क्षेत्रका स्थानीय तहबाट एकजना र मेलम्चीको खानेपानीका लाभग्राही स्थानीय तहबाट एकजनालाई खानेपानी मन्त्रालयले छनोट गरी नियुक्ति गर्न सक्ने व्यवस्था गरिएको छ ।
