काठमाडौं, वैशाख ६ । नयाँ प्रधानन्यायाधीश नियुक्तिको प्रक्रिया अघि बढाउन बुधबार बसेको संवैधानिक परिषद्को बैठक निष्कर्षविहीन भएको छ । चाँडोभन्दा चाँडो नयाँ प्रधानन्यायाधीश नियुक्त गर्ने विषयमा छलफल भए पनि बैठकले कुनै निर्णय गर्न सकेन ।
बैठकपछि सञ्चारकर्मीसँग कुरा गर्दै राष्ट्रियसभाका अध्यक्ष गणेशप्रसाद तिमिल्सिनाले प्रधानन्यायाधीशको नियुक्तिबारे बैठकमा छलफल भएपनि निर्णय नभएको बताए । प्रधानन्यायाधीशको नियुक्तिबारे अर्को बैठकले निर्णय गर्ने पनि उनले बताए ।
प्रतिनिधिसभाका सभामुख देवराज घिमिरे, राष्ट्रियसभाका अध्यक्ष तिमिल्सिना, उपसभामुख इन्दिरा राणा, उपप्रधान तथा रक्षा तथा कानून, न्याय तथा संसदीय मामिलामन्त्री पूर्णबहादुर खड्का र प्रमुख प्रतिपक्षी दलका नेता डा. बैठकमा केपी शर्मा ओली सहभागी थिए ।
एमाले अध्यक्ष ओलीको निजी निवास बालकोटमा गत वैशाख ३ गते बसेको प्रमुख तीन दलका शीर्ष नेताहरुको बैठकले संवैधानिक परिषद्को बैठक बोलाएर नयाँ प्रधानन्यायाधीश नियुक्तिका लागि सिफारिस गर्ने निर्णय गरेको थियो ।
