काठमाडौं, वैशाख ६ । राष्ट्रपति रामचन्द्र पौडेललाई थप उपचारका लागि भारतको राजधानी नयाँदिल्ली लगिएको छ । उनलाई केही समयअघि श्री एयरलाइन्सको एयर एम्बुलेन्समार्फत भारत लगिएको राष्ट्रपतिको सचिवालयले जनाएको छ ।
यसअघि मंगलबार साँझ राष्ट्रपति पौडेललाई स्वास्थ्यमा समस्या देखिएपछि त्रिवि शिक्षण अस्पताल महाराजगञ्जमा भर्ना गरिएको थियो । राष्ट्रपति पौडेलको नयाँ दिल्लीस्थित अल इन्डिया इन्स्टिच्युट अफ मेडिकल साइन्सेज (एम्स)मा उपचार हुने भएको छ ।
चैत १८ गते सोही अस्पतालमा पेटसम्बन्धी रोगको उपचार गरी घर फर्किएका थिए ।राष्ट्रपति पौडेल लामो समयदेखि ग्यास्ट्रिकबाट पीडित थिए ।
Published Date: 19 April 2023
