काठमाडौं, वैशाख ५ । अन्नपूर्ण १ मा बेपत्ता भएकी भारतीय पर्वतारोही बलजीत कौर फेला परेकी छिन्। पायोनियर एडभेन्चरका अनुसार कौरलाई उद्धार गरी आधार शिविरमा ल्याइएको छ।
‘उनीलाई छिट्टै काठमाडौं ल्याइनेछ,’ कम्पनीका निवेश कार्कीले भने । कार्कीले कौरको खुट्टामा फ्रस्टबाइट लागेको तर उनको समग्र स्वास्थ्य राम्रो रहेको बताए । कौर सोमबार हिमाल आरोहण गरेकी थिइन् र ओर्लने क्रममा बेपत्ता भएकी थिइन् ।
अन्नपूर्ण आरोहणका अर्का भारतीय पर्वतारोही अनुराग मालु अझै बेपत्ता छन् । उनी क्याम्प ४ बाट ओर्लने क्रममा एउटा क्र्यासमा खसेका थिए।
Published Date: 18 April 2023
