काठमाडौं, वैशाख ५ । नेपाल टेलिकमले विगतमा सेवा लिएका कम्पनीसँगको सम्झौता अवधि सकिएकोले उनीहरुसँग कुनै सम्बन्ध नरहेको जनाएको छ ।
यसअघिको सेवा प्रदायक कम्पनीसँग सम्बन्धित व्यक्तिहरु अहिले विभिन्न माग राखेर कम्पनी परिसरबाहिर धर्नामा बसेका बेला एनटीले यस्तो जानकारी दिएको हो । सम्झौता अवधि सकिएपछि कुनै पनि सेवा प्रदायक कम्पनीसँगको दायित्व स्वतः समाप्त हुने एनटीले जनाएको छ ।
सेवा विस्तार र मर्मतसम्भार जस्ता सेवा प्रवाह सम्बन्धी कार्य गर्न कानूनबमोजिम अन्य कम्पनीसँग सम्झौता गर्न सक्ने भएकाले अन्योलमा नपर्न सर्वसाधारणलाई आग्रह समेत गरेको छ ।
नेपाल टेलिकमले यसअघिको सेवा प्रदायक कम्पनीसँगको सम्झौता अवधि सकिएपछि प्रतिस्पर्धाका आधारमा अर्को सेवा प्रदायक कम्पनीमार्फत सेवा उपलब्ध गराउँदै आएको पनि जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
