काठमाडौं, वैशाख ४ । नवनियुक्त परराष्ट्रमन्त्री एनपी साउदसँग नेपालका लागि भारतीय राजदूत नवीन श्रीवास्तवले आइतबार शिष्टाचार भेट गरेका छन् ।
सिंहदरबारस्थित परराष्ट्र मन्त्रालयमा भएको भेटवार्तामा द्विपक्षीय हितका विषयमा छलफल भएको परराष्ट्र मन्त्रालयले जनाएको छ ।
मन्त्री साउदले नेपाल र भारतबीच लामो समयदेखि सुमधुर र मैत्रीपूर्ण सम्बन्ध रहँदै आएको र आगामी दिनमा यसलाई थप मजबुत बनाउने विश्वास व्यक्त गरे ।
सो अवसरमा राजदूत श्रीवास्तवले मन्त्री साउदलाई बधाई दिँदै सफल कार्यकालको शुभकामना दिएका थिए । मन्त्री साउदले आइतबार नै पदभार ग्रहण गरेका हुन् ।