अर्थतन्त्रको सुदृढीकरण मेरो पहिलो प्राथमिकता: अर्थमन्त्री महत

काठमाडौं, चैत २३ । अर्थमन्त्री डा प्रकाशशरण महतले मुलुकको अर्थतन्त्रलाई मजबुत बनाउनु आफ्नो पहिलो प्राथमिकता भएको बताएको छ ।

मन्त्री महतले भने, “सरकार आगामी आर्थिक वर्षको बजेटको तयारीमा जुटेको छ, बजेटको मुख्य ध्यान अर्थतन्त्रलाई मजबुत बनाउने हो।”

नेपाल सम्पादक समाजका पदाधिकारीसँग आज भएको भेटमा डा महतले सत्तारुढ दलको सहमतिमा सरकारको न्यूनतम साझा कार्यक्रम ल्याउने बताए । समाजका पदाधिकारीहरुले मन्त्री महतलाई बधाई तथा सफल कार्यकालको शुभकामना दिएको थियो ।

कार्यक्रममा समाजका संरक्षक किरण वैद्य, अध्यक्ष पुरु रिसाल, वरिष्ठ उपाध्यक्ष पुष्पराज प्रधान, महासचिव श्यामकाजी डोटेललगायतको उपस्थिति रहेको थियो ।