काठमाडौँ, चैत २० । सोमबार नेप्से परिसूचक १६.६७ अंक घटेर १८७१.८८ विन्दुमा झरेको छ। त्यसैगरी, सेन्सेटिभ इण्डेक्स ३.०५ अंक घटेको छ भने फ्लोट इण्डेक्स १.१६ अंक र सेन्सेटिभ इण्डेक्स १.०४ अंक घटेको छ।
नेप्सेसँगै आज कारोबार रकम पनि घटेको छ। अघिल्लो कारोबार दिन १ अर्ब २० करोडको शेयर कारोबार भएको बजारमा आज २६० स्टकको २७ हजार ४५४ पटकको कारोबारमा ९२ करोड २ लाख ४९ हजार रुपैयाँ बराबरको २८ लाख २९ हजार कित्ता शेयर खरिदबिक्री भएको छ।
१३ उपसमूहमध्ये व्यापार उपसमूहको परिसूचक बाहेक अरु सबै उपसमूहको परिसूचक घटेको छ। आज व्यापार उपसमूहको परिसूचक १.२१ प्रतिशत बढेको छ। कारोबारमा आएको निर्जीवन बीमा, लघुवित्त, उत्पादन तथा प्रशोधन, लगानी, जलविद्युत र विकास बैंक उपसमूहको परिसूचक १ प्रतिशतभन्दा बढी घटेको छ।
Published Date: 03 April 2023
