भक्तपुर, चैत ११ । भक्तपुर नगरपालिका वडा २ कार्यालयको आयोजनामा स्थानीय वडामा पाठेघर र स्तन क्यान्सर रोग सम्बन्धी स्वास्थ्य शिविर सम्पन्न भयो ।
उक्त कार्यक्रममा भक्तपुर नगरपालिकाका प्रमुख सुनिल प्रजापति ले स्थानिय जनतालाई सहज रुपमा स्वास्थ्य सेवा पूर्याउने उद्देश्यले ख्वप अस्पताल संचालन गरिआएको बताए । कला संस्कृति संरक्षर र सम्वद्धन गर्नुका साथै शिक्षा र स्वास्थ्यमा जनताले न्यून शुल्कमा सेवा प्राप्त गरुन भन्ने अभिप्रायले नगरपालिकाका जनप्रतिनिधि कार्यरत रहेको उनले जानकारी दिए ।
उनले भक्तपुर नगरपालिकाका हरेका कार्यहरु हेर्न, गर्न र अनुशरण गर्न लायक बनाउन लागि परेको बताए । साथै जनताका आधारभुत सेवा शिक्षा, स्वास्थ्य र खानेपानीको सहज व्यवस्थापन गर्न प्रयासरत रहको स्थानीय बासीहरु सेवा प्राप्त गर्न तत्पर रहनु पर्ने बताए ।
कायक्रमा वडा अध्यक्ष हरिप्रसाद बासुकलाले समयमा आँखा, कान , नाक ,घाटी , प्रसर र सुगर लागाएत स्तन र पाठेघर परिक्षण गराएदै आइरहेको बताउदै वडाका गतिविधि बारे जानकारी दिनुका साथै स्थानीय जनताको समस्या सम्बोधन गर्दै देको मिवा इतापाके आयोजना छिटै सम्पन्न गर्न लागिरहेको जानकारी दिए ।
कार्यक्रममा श्यामसुन्दर मांता , राजन जति , जयराम गोर्खाली , डा. सोभानी श्रेष्ठ र मन्जु लाखाजुले स्वास्थ्य सेवा सम्वन्धी बोलेका थिए । उक्त कार्यक्रममा स्थानीय वडाका १७४ जना महिलाहरुले शिविरमा सहभागीता जनाएको थियो ।
