काठमाडौं, फागुन १८ । लियोनेल मेस्सीले विश्वकप फुटबल विजेता अर्जेन्टिनाका राष्ट्रिय टिमका सम्पूर्ण खेलाडी र अन्य सदस्यले सुनकाे आईफोन उपहार दिएका छन् । राष्ट्रिय टिमका कप्तानसमेत रहेका स्टार फुटबलर लिओनल मेस्सीले विजेता बनेको खुशियालीमा टिमका प्रत्येक सदस्यलाई उपहार दिएका हुन् ।
अन्तर्राष्ट्रिय सञ्चारमाध्यम द सनको रिपोर्ट अनुसार, उक्त आईफोन २४ क्यारेटको सुनले बनेको छ प्रत्येक खेलाडीको नाम, जहाँ क्यामेराको छेउमा खेलाडीको नाम र जर्सी नम्बर छ भने एप्पल लोगोको ठाउँमा अर्जेन्टिना राष्ट्रिय फुटबल टिमको लोगो र तल ‘वर्ल्ड कप च्याम्पियन २०२२’ लेखिएको छ । आफ्नो जीवनको सबैभन्दा ठूलाे खुशीकाे पल मनाउन मेस्सीले यस्ताे उपहार दिएको उल्लेख गरेको छ ।
मेस्सीले विश्वकप विजेता टिमका प्रत्येक सदस्यलाई विशेष उपहार दिन चाहेको बताएपछि साे कम्पनीका प्रमुख कार्यकारी अधिकृत (सीईओ) बेन ल्याेन्सले प्रिमियम २४ क्यारेट गोल्डको आईफोन दिन सुझाव दिएका थिए । यसलाई स्वीकार गर्दै मेस्सीले टिमका सबै खेलाडी र अफिसियल सदस्यका सुनकाे आईफोन अर्डर गरेका थिए । स्मार्टफाेन कस्टमाइेजन सेवा दिँदै आएकाे कम्पनी ‘आईडिजाइन गोल्ड’ ले मेस्सीले अर्डर गरेअनुरूप ३५ ओटा सुनकाे आईफोन तयार पारेकाे थियाे ।
उक्त आईफोन खरिदका लागि मेस्सीले एक लाख ७५ हजार पाउन्ड खर्च गरेको उल्लेख गरेको छ ।
