मुम्बई, चैत २९ । विश्व प्रसिद्व भारतीय गायिका आशा भोस्लेको ९२ वर्षको उमेरमा निधन भएको छ। केही महिनादेखि अस्वस्थ रहेकी उनलाई मुटु र श्वासप्रश्वाससम्बन्धी समस्यापछि मुम्बईको ब्रिच क्यान्डी अस्पतालमा भर्ना गरिएको थियो, जहाँ उपचारकै क्रममा उनको निधन भयो।
७ दशकभन्दा लामो संगीत यात्रामा हजारौँ गीत गाएकी भोसलेले भारतीय तथा विश्व संगीतमा गहिरो छाप छोडेकी थिइन्। उनको निधनसँगै भारतीय संगीतले एक महत्वपूर्ण युग गुमाएको छ। परिवारका अनुसार उनको अन्त्येष्टि सोमबार गरिनेछ।
सन् १९३३ मा जन्मिएकी उनले सानै उमेरदेखि गायन सुरु गरी बलिउडमा आफ्नै पहिचान बनाएकी थिइन्। उम्राओ जान जस्ता फिल्ममार्फत गजल गायनमा समेत उत्कृष्टता देखाएकी उनी लता मंगेस्करसँग तुलना गरिने अग्रणी गायिकामध्ये एक थिइन्।
