काठमाडौं, पुस ८ । अष्ट्रेलियाको न्यु साउथ वेल्स राज्यले बोन्डीमा भएको सामूहिक गोलीकाण्डपछि कडा बन्दुक कानून पारित गर्ने तयारी गरेको छ। आकस्मिक बैठकमार्फत राज्य संसदको तल्लो सदनले ‘आतंकवाद र अन्य कानून संशोधन विधेयक’ स्वीकृत गरेको हो, जसलाई विपक्षी लिबरल पार्टीले पनि समर्थन गरेको छ।
संशोधित कानूनअनुसार सामान्य बन्दुकधारीले अधिकतम ४ वटा र किसानहरूले १० वटासम्म मात्र हतियार राख्न पाउनेछन्। सर्वेक्षणमा ७५ प्रतिशत अष्ट्रेलियालीहरूले कडा बन्दुक नियन्त्रणको समर्थन गरेका छन्।
डिसेम्बर १४ मा बोन्डीमा भएको गोलीकाण्डमा १५ जनाको मृत्यु भएपछि कडा कानूनको माग बढेको हो। संघीय सरकारले पनि बन्दुक नियन्त्रण र गन बाइब्याक योजनामा प्रतिबद्धता जनाएको छ, तर रोयल कमिसन गठनको माग अस्वीकार गरेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
