काठमाडौं, असार ८ । नेप्से परिसूचक आइतबार ३२.१६ विन्दुले घटेर २५९६.७४ अंकमा आएको छ ।
करिब ३ महिनापछि नेप्से सूचक २६ सय विन्दुभन्दा तल बन्द भएको हो । आइतबार ९ अर्ब १३ करोड रुपैयाँभन्दा बढीको कारोबार भएको छ । नेप्से सूचकसँगै कारोबार रकम पनि घटेको हो ।
आज ३ सय १० कम्पनीको २ करोड १५ लाखभन्दा बढी कित्ता सेयर कारोबार भएको छ । ७५ करोड रुपैयाँभन्दा बढीसहित कारोबार रकममा दोर्दी खोला जलविद्युत कम्पनी अग्रस्थानमा आएको छ ।
यसैगरी, दोस्रो र तेस्रो स्थानमा क्रमशः राधी विद्युत र बुटवल पावर कम्पनी परेका छन् ।
Published Date: 22 June 2025
